Plantun de Prouvènço

Pèr coumpara dos planto d'encò nostre

Cuscuta approximata & Porella platyphylla

Péu-de-lin(-di-sepalo-lusènto)

Cuscuta approximata

Convolvulaceae

Àutri noum : Péu-de-lin, Péu-de-damo, Rasco, Barbo-de-mouine, Cuscuto.

Nom en français : Cuscute approximative.

Descripcioun :
Lou péu-de-lin-di-sepalo-lusènto, pulèu rare, douno d'èr à Cuscuta epithymum, pamens la planto èi pu forto amé de flour blanco. Se n'en destrìo subretout que si sepalo soun lusènto e ounte se vèi de costo reticulado (fotò); la subsp. de Prouvènço ié dison approximata.

Usanço :
Li péu-de-lin soun pas acampa au nostre. Caupon un glucoside, la cuscutino, qu'ajudo à caga e à secreta la bilo. La cuscuto de Chino, Cuscuta sinensis, èi vertuouso contro li proublèmo de proustato e d'ourmono encò lis ome o li femo. Se chabis en gelulo dins lou coumèrci. Tant se poudrié que siegue parié pèr li nostre.

Port : Erbo
Taio : 10 à 30 cm
Fueio : ges
Tipe bioulougico : Teroufite
Cicle bioulougico : Planto de l'an

Gènre : Cuscuta
Famiho : Convolvulaceae

Ordre : Solanales

Coulour de la flour : Blanco
Petalo : 5
Ø (o loungour) enflourejado : 5 à 9 mm
Flourido : Printèms - Estiéu

Sòu : Ca
Autour basso e auto : 0 à 1200 m
Aparado : Noun
Mai à juliet

Liò : Tepiero seco - Relarg à jóuinis aubret
Estànci : Subremediterran à Mountagnard
Couroulougi : Paleoutemperado
Ref. sc. : Cuscuta approximata Bab., 1844

Porelo-di-fueio-plato

Porella platyphylla

Porellaceae

Nom en français : Porelle à feuilles larges.

Descripcioun :
Aquesto epatico di proun coumuno se vèi eisadamen sus li pège e la roco ounte trachis en tepiero denso. Li fueio grando d'aperaqui 1 mm soun dins lou meme plan e generalamen aplatado ; emé un lobe doursau redoun e un ventrau 3 à 4 fes pu pichot e peréu redoun. Entre mitan se vèson d'amfigastre (renguiero de fueio de dessouto).

Usanço :
Se pòu counfoundre emé Radula complanata, pamens soun lobe ventrau èi un pau carra e i'a ges d'anfigastre pèr aquelo radiero.

Port : Epatico à fueio
Taio : 5 à 10 cm
Fueio : ges
Tipe bioulougico :
Cicle bioulougico : Planto renadivo

Gènre : Porella
Famiho : Porellaceae

Ordre : Porellales

Coulour de la flour :
Petalo : ges
Ø (o loungour) flour : ges
Flourido : Printèms

Sòu : Ca Si
Autour basso e auto : 10 à 1600 m
Aparado : Noun

Liò : Pège - Roucas umide
Estànci : Mesoumediterran à Mountagnard
Couroulougi : Cousmoupoulito e Mediterrano
Ref. sc. : Porella platyphylla (L.) Pfeiff., 1855 (= Jungermannia platyphylla L., 1753 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

CCC

Cuscuta approximata & Porella platyphylla

ges

Coumpara Péu-de-lin(-di-sepalo-lusènto) emé uno autro planto

Coumpara Porelo-di-fueio-plato emé uno autro planto